石 牌 教 會 設 教 三 十 週 年

　　(台語漢字)　　　　　余信次長老

今日大家來團圓　　　　為著設教三十年
大家致意無隨便　　　　小組開會無數遍
相片文章項項有　　　　計劃設計亦攏有
這款成果可嘔咾　　　　求主紀念因辛苦

救主恩典真正多　　　　知咱軟弱欠缺多
教會建立佇石牌　　　　是主愛心的安排
大家應該來報揚　　　　眾人誠心來敬奉
時刻感激在心田　　　　常常感謝主恩典

回顧過去的日子　　　　酸鹼苦澀難排比
這是上帝考驗你　　　　愛咱擒住主真理
無看別人來搖動　　　　舉目注神與主同
珍惜主愛高深寬　　　　服事敬拜永無息

為主做工無推辭　　　　掌握機會著及時
著常檢討『做甚麼？』　不是喊聲『欠甚麼？』
追求靈糧靠自己　　　　無得枵餓不開嘴
常常著記主教示　　　　謙卑領受主旨意